Freiburger historische Bestände - digital

Item war sein, das durch vilgedachte aufrur dem gotzhaus zu Heilgenzell by den
sechtzig sechs juchart ackern wuest gelegen, das siner parthy über drissig guldin
schadet.

Item war sin, das sein parthy nechst articulierte juchart, darumb das sy wuest gelegen
, hab zu valgen81 verdingen und von einer jeden dry plapart geben muessen,
macht neun guldin funff Schilling.

Item haben vilgemelte gemeinden dem gotzhaus die wyher unnd vischgruben ver-
wuest, die zum theil noch wuest ligen, schadt seiner parthi über viertzig gülden.

Item war sein, das sein parthy der pewrischen auffrur halb dem gotzhaus vierhundert
guldin und witt darüber nutzung versaumpt, die sein parthy dem closter
hett schaffen mögen, wo die vilgnantten gemeinden das closter nitt uberfallen
und ingenomen hetten.

Item war sein, das vilgemelte gmeinden sein parthy unnd convent veriagt.

Item das sin parthy unnd convent, diewyl sy veriagt, by anderthalb hundert guldin
verzert und ußgeben haben.

Item machen alle zugefuegten Scheden an einer summa gerechnet zehen tusent
zwen gülden II ß.

Item war sein, das sin parthy obgemelte beschedigung unnd articulierte entwerdte
usstende stuck nit zum höchsten, sonder geringsten angeschlagen hab.

Item war sin, das oben articulierte entwerdte usstende stuck der estimation und
anschlags in der warheitt wer dt gewesen unnd gern mer, dann sy angeschlagen,
der zitt goltten hetten unnd darumb unnd darüber vor der auffrur hetten mögen
verkoufft werden.

Item war sin, das seiner parthy uund dem gemelten gotzhaus Schuttern die ent-
werdten usstenden stuck, hab unnd guter nutzer, besser und lieber werend dann
der selben oben articulierte estimation unnd anschlag.

Item war sein, das sein parthy des gotzhaus zerschlagen, zerrissen stuck, Scheden
unnd abganng mit solcher articulierten estimation nit widermachen, ersetzen
unnd inn den stand, als vor der auffrur gewesen, bringen mag.

Item sagt anwalt, war sein unnd protestiert sich des, das alle unnd yede vor articulierte
stuck unnd der selbigen estimation unnd achtung verwuest, entwerdt, ver-
schwendt unnd über alles, das siner parthi nach der auffrur widerumb worden,
noch unbezalt usstond.

Item war sin, das die beclagten vil unnd mancherley hab unnd hußrat uß dem
closter genomen und verwuest.

Item das nit wol muglich, das man solliche hab, hußrat unnd anders, das inn
dem closter in mercklicher anzal gewesen unnd verwuest, sonderlich specificiern
und nennen mög.

Item das antwurtter selbs gsagt, das sovil gutz in dem closter gewesen, das sy es
nitt haben erösen82 unnd erschopffen mögen.

Item das sy nit glaubt hetten, das sovil gutz in dem closter gewesen wer.

210