Freiburger historische Bestände - digital

Espach, Heni Stürental von St. Mergen [,] Kirne Löffler von Espach [,]

Hannß Haug von Glader, Hannß Rorer der lang von St. Peter

die obgechribenen all bey ihren gelübbten unnd ayden gesagt handt

45 unnd darzue etlich die ehesten ansässen der voggtey zu St. Peter
namblich Clauß Haug der undervogt Berschy Löffler vorm Ror
Clewy Dietterich der alt von Ywann, Joss Lebler von Ywann Pet[er]
Loyman von Ywan, Peter Wiest der jung vonn Ywan und Thoman
im Howbach für sich berüeft, unnd sie bey ihren trewen und aiden

50 der ding so hie zue dienen nach gefragt, und darzue die etlich
bücher unnd alt register, und rodeil desselben gotthauß ersucht
unnd ernstlich verhört hat nachdem die alten gesetzten dingrodell
und versigelten brief von fewarsbrunst mit sambt dem gotts-
hauß in vergangner zeit, deß mehrenteils, vergangen unndt ver

55 hörget seindt. Und durch sollch underwysung der obgenanten
erbaren personen, büchern, brieffen unnd rödlen, sie obgenanten
partheien mit wissenden dingen, unnd gütlichen Verfolgungen inn
diesen hernach geschribnen dingrodell, verayndt haben statt in
Gotteß namen Amen.

60 Item diß sind die recht deß gottshaußes zue St. Peter inn dem

Schwartzwald St. Benededicten ordenn[s] Costanzer bistumb[s] die sie
haben über ir lütt unnd über ire güeter alß man die järlich
kündet unnd khünden soll in ihren dinckhoffen zue Espach, zu Ywan
zue Ror und zue Lauterbach im Gloderthal. On andere recht

65 die sie sonderlich haben an Iren güeteren, die in die dinghöff gehörendt.

Schluss

Wann aber die obgemelt castvogtey unnd vogtey der täler
Ywan [,] Espach unnd Ror, mit fürstlichen, hochen unnd anderen
oberkeiten, steuren, Zinsen unnd frävelen, auch allen anderen
gerechtigkeiten ein- und zuegehörungen, nach weilend deß
5 hochgebornen marggraffen Philippen zue Hochberg, graf
zue Newenburg herren zue Rotein unnd Sussenburgs tod
unnd abgang an die marggraffen zue Baden unnd Hochberg
kommen, unnd der hochgeboren fürst marggraff Ernst zue
Baden unnd Hochberg die berüert castvogtey unnd vogtey

10 über die obgenanten thäler, mitt der fürstlichen, hohen und
anderen oberkaiten, steuren, zinßen, frävelen auch allen
anderen gerechtigkaiten ein- unnd zuegehörungen, wie deß
gemelten herren Marggrafen forderen unnd auch der, die
bißhero besessen habenn, der hochgemelten königlichen May[estä]t

15 alß ertzhertzogen zue Oesterreich umb tausent gülden reinisch

zue kaufen geben Inhalt deß kaufbriefs, solichß clärlichen auswisen
unnd wür dem nach auf sonderen befelch so wür desshalben von
in königlichen May[estä]t gehabt, solliche, steuren, zünß, fräve[len]
unnd alle andere gerechtigkait nutzen und gefalle, wie obge-

20 melt sein, on und außgenommen wie landtßfürstlichen oberkaiten
, alß landraißen steuren, unndt die appellationen.

36